15. ՅԻՍՈՒՍԻ ՄԿՐՏՈՒԵԼԸ (Մատթ. Գ. 13-17 )

¹³Այն ժամանակ Յիսուս Գալիլիայից Յորդանան եկաւ, Յովհաննէսի մօտ՝ նրանից մկրտուելու։ ¹⁴Իսկ Յովհաննէսն ընդդիմացաւ նրան ու ասաց. “Ի՛նձ պէտք է, որ քեզնից մկրտուեմ, և դու ի՞նձ մօտ ես գալիս”։ ¹⁵Յիսուս պատասխանեց և ասաց նրան. “Թո՛յլ տուր հիմա, որովհետև այսպէս վայել է, որ ﬔնք կատարենք Աստծու ամէն արդարութիւն”։ Եւ ապա նրան թոյլ տուեց։ ¹⁶Եւ երբ Յիսուս մկրտուեց, իսկոյն ջրից դուրս ելաւ. և ահա երկինքը բացուեց նրան, և նա տեսաւ Աստծու Հոգին, որն իջնում էր ինչպէս աղաւնի և գալիս էր իր վրայ։ ¹⁷Եւ ահա՝ ﬕ ձայն երկնքից, որ ասում էր. “Դա՛ է իմ սիրելի Որդին, որն ունի իմ ամբողջ բարեհաճութիւնը”։