Մի փոշոտ, փափուկ ճամփա,
Փշատի սադափ ծառեր,
Մի կապո՜ւյտ, կապո՜ւյտ երկինք
ՈՒ արև, արև, արև...
Կատարին՝ լույսից շիկնած
Ամպի մի փոքրիկ ծվեն,
Արարատ լերն է կանգնած՝
Մի հրաշք աննյութեղեն:
Հայրենի քնքուշ մի հով
Անցնելով բարդուց բարդի,
Գնում ու փարվում է լու ռ
Լանջերին Արարատի:
Մի փոշոտ, փափուկ ճամփա,
Փշատի սադափ ծառեր,
Մի կապույտ , կապույտ երկինք
ՈՒ արև, արև, արև...
Հայրենի այդ հովի հետ
Անցնելով բարդուց բարդի,
ՈՒզում ես գնա՜լ, գնա՜լ
ՈՒ փարվել Արարատին: