ԵՐԳ ԳԻՆՈՒ ՄԱՍԻՆ

ՈՒրախ կյանքի ընկերն եմ ես,
Ես գինին եմ, գինին, գինին,
Մի թաս գինին մի կյանք է քեզ,
Մեկից ավելն ահ է կյանքին:

Մի թասը լավ է,
Երկուսը բավ է,
Բայց լավ իմացիր,
Երրորդը ցավ է:

Ով խմում է հատիկ-հատիկ
Նա դառնում է նռան հատիկ,
Ով խմում է բազմապատիկ,
Նա զարկում է պատեպատիկ:

Մի թասը լավ է...

Կյանքում այսպես ամեն մի բան
Չափի մեջ է միշտ գեղեցիկ.
Նույնիսկ բաժակն ուրախության,
Իր չապն ունի, անչա'փ մարդիկ:

Մի թասը լավ է...